Ծանրամարտ․ Սիմոն Մարտիրոսյանը դարձավ Եվրոպայի չեմպիոն և նոր ռեկորդ գրանցեց

21 Հոկտեմբերի 2017 21:09
Ծանրամարտ․ Սիմոն Մարտիրոսյանը դարձավ Եվրոպայի չեմպիոն և նոր ռեկորդ գրանցեց

Ալբանիայի Դուրես քաղաքում ընթացող ծանրամարտի Եվրոպայի երիտասարդական առաջնությունում պայքարն ավարտեցին մինչև 20 տարեկան 105 կգ-ից բարձր քաշային երիտասարդները:

Մրցակիցների նկատմամբ բացահայտ առավելությամբ չեմպիոնի կոչումը նվաճեց Սիմոն Մարտիրոսյանը, որը նաև երկամարտում այս տարիքային խմբի Եվրոպայի նոր ռեկորդ սահմանեց (433 կգ):

Հայ ծանրորդը պոկում վարժությունում առաջին իսկ մոտեցմամբ (186 կգ) անհասանելի դարձավ մրցակիցների նկատմամբ, այնուհետև 2-րդ և 3-րդ մոտեցումներով սանձեց նաև 192 ու 197 կիլոգրամները: Սիմոնը մրցակցությունից դուրս էր նաև հրում վարժությունում (236 կգ):


Մեր լրահոսին կարող եք հետևել նաև Telegram-ում:
Միացե՛ք մեր ֆեյսբուքյան էջին և անմիջապես զգացեք մարզաշխարհի զարկերակը:

Մեկնաբանություններ

Հարգելի՛ այցելուներ, մեր կայքը բարձր է գնահատում Ձեր՝ կարծիք հայտնելու իրավունքը, ուստի կոչ ենք անում մեկնաբանություններում լինել հանդուրժող, հարգել միմյանց, չվիրավորել, չօգտագործել գռեհիկ բառապաշար: Կայքի պատասխանատուները հետեւողական են լինելու վերը նշված սկզբունքների պահպանման հարցում: Կոչ ենք անում մեկնաբանությունները գրել հայատառ: