Չգիտեմ՝ կկարողանա՞մ արդյոք նորից գլխավորել վարկանիշային աղյուսակը. Նադալ

14 Մայիսի 2017 20:04
Չգիտեմ՝ կկարողանա՞մ արդյոք նորից գլխավորել վարկանիշային աղյուսակը. Նադալ

Իսպանացի լեգենդար թենիսիստ Ռաֆաել Նադալը, որը մայիսի 13-ին Մադրիդի մրցաշարի կիսաեզրափակչում պարտության մատնեց Նովակ Ջոկովիչին, գնահատել է իր ներկայիս մարզավիճակը և խոստովանել է, որ այս պահին չի մտածում ATP-ի վարկանիշային աղյուսակը կրկին գլխավորելու մասին:

«Չեմ կարող ասել, թե արդյոք հիմա լավագույն խաղն եմ ցուցադրում կարիերայիս ընթացքում: Շարժվում եմ քայլ առ քայլ: Հաճույք եմ ստանում, որ գերազանց խաղ եմ ցուցադրում և վստահորեն պայքարում եմ բոլոր մրցակիցների հետ: Մրցաշրջանի այս հատվածը շատ կարևոր է ինձ համար: Ես մեծ հաջողությունների եմ հասել հողածածկի վրա:

Չգիտեմ, կկարողանա՞մ արդյոք նորից գլխավորել վարկանիշային աղյուսակը: Սա ընդամենը մրցաշրջանի սկիզբն է: Հիանալի եմ սկսել տարին, բայց հեռուն չեմ նայում: Ինձ սպասվում է եզրափակիչ բարդ մրցակցի հետ»,- իսպանացի թենիսիստի խոսքերն է փոխանցում Sky Sports-ը:

Հավելենք, որ Մադրիդի մրցաշարի եզրափակչում Նադալը այսօր կխաղա ավստրիացի Դոմինիկ Տիմի հետ:


Մեր լրահոսին կարող եք հետևել նաև Telegram-ում:
Միացե՛ք մեր ֆեյսբուքյան էջին և անմիջապես զգացեք մարզաշխարհի զարկերակը:

Մեկնաբանություններ

Հարգելի՛ այցելուներ, մեր կայքը բարձր է գնահատում Ձեր՝ կարծիք հայտնելու իրավունքը, ուստի կոչ ենք անում մեկնաբանություններում լինել հանդուրժող, հարգել միմյանց, չվիրավորել, չօգտագործել գռեհիկ բառապաշար: Կայքի պատասխանատուները հետեւողական են լինելու վերը նշված սկզբունքների պահպանման հարցում: Կոչ ենք անում մեկնաբանությունները գրել հայատառ: