Արսեն Ջուլֆալակյանը դարձել է Ֆրանսիայի ըմբշամարտի առաջնության բրոնզե մեդալակիր

18 Դեկտեմբերի 2017 17:55
Արսեն Ջուլֆալակյանը դարձել է Ֆրանսիայի ըմբշամարտի առաջնության բրոնզե մեդալակիր

Օլիմպիական խաղերի փոխչեմպիոն, աշխարհի ու Եվրոպայի չեմպիոն, հունահռոմեական ոճի ըմբիշ Արսեն Ջուլֆալակյանը ֆրանսիական «CP Besançon Lutte» ակումբի կազմում դարձել է Ֆրանսիայի առաջնության բրոնզե մեդալակիր: Այս մասին ըմբիշը հայտնում է իր ֆեյսբուքյան էջում:

Արսեն Ջուլֆալակյանն անցկացրած 9 գոտեմարտերն էլ հաղթանակով է ավարտել:

«Ցավոք սրտի, տղաներից մի քանիսը վնասվածք ունեին, հակառակ դեպքում չեմպիոնությունը մոտ կլիներ: Այնուամենայնիվ, վատ արդյունք չէ թիմի համար:

Ցանկանում եմ շնորհակալություն հայտնել ակումբին, մարզիչներին, թիմակիցներիս, այն մարդկանց, ովքեր կազմակերպեցին այս մեծ միջոցառումը: Առանձնահատուկ շնորհակալություն ընկերոջս ու թիմակցիս` Արթուր Սիմոնյանին: Անհամբերությամբ սպասում եմ 2018 թվականին»,- գրել է ըմբիշը:

Ջուլֆալակյանն ուղևորվում է Փարիզ, որտեղ Ֆրանսիայի ըմբշամարտի հավաքականի հետ մեկշաբաթյա ուսումնամարզական հավաք կանցկացնի:

 


Մեր լրահոսին կարող եք հետևել նաև Telegram-ում:
Միացե՛ք մեր ֆեյսբուքյան էջին և անմիջապես զգացեք մարզաշխարհի զարկերակը:

Մեկնաբանություններ

Հարգելի՛ այցելուներ, մեր կայքը բարձր է գնահատում Ձեր՝ կարծիք հայտնելու իրավունքը, ուստի կոչ ենք անում մեկնաբանություններում լինել հանդուրժող, հարգել միմյանց, չվիրավորել, չօգտագործել գռեհիկ բառապաշար: Կայքի պատասխանատուները հետեւողական են լինելու վերը նշված սկզբունքների պահպանման հարցում: Կոչ ենք անում մեկնաբանությունները գրել հայատառ: