Ըմբշամարտի ԱԱ. Արսեն Հարությունյանը և Վազգեն Թևանյանը պարտություն կրեցին

19 Սեպտեմբերի 2019 17:44
Ըմբշամարտի ԱԱ. Արսեն Հարությունյանը և Վազգեն Թևանյանը պարտություն կրեցին

Ղազախստանի մայրաքաղաք Նուր-Սուլթանում շարունակվող ըմբշամարտի աշխարհի առաջնությունում սեպտեմբերի 19-ին պայքարի մեջ են մտել ազատ ոճի ըմբիշները: Մրցումային առաջին օրը Հայաստանի հավաքականն ուներ 2 ներկայացուցիչ՝ Արսեն Հարությունյանը (57 կգ) և Վազգեն Թևանյանը (65 կգ), որոնք պարտություն են կրել հաղթանակով մեկնարկելուց հետո:

Եվրոպայի գործող չեմպիոն Արսեն Հարությունյանը պայքարը սկսեց 1/16 եզրափակիչից, որտեղ 9:4 հաշվով հաղթեց վրացի Օտարի Գոգավային: 1/8 եզրափակիչում հայ ըմբիշը 6:17 հաշվով պարտվեց հնդիկ Կումար Ռավիին:

Գոտեմարտի սկզբնամասում Հարությունյանը հաղթում էր 6:0 հաշվով, սակայն չկարողացավ զարգացնել հաջողությունը:

Եթե հնդիկ ըմբիշը նվաճի եզրափակիչի ուղեգիր, Հայաստանի ներկայացուցիչը հնարավորություն կստանա պայքարել բրոնզե մեդալի համար:

Եվրոպայի Մ-23 չեմպիոն Վազգեն Թևանյանը որակավորման փուլում 5:3 հաշվով հաղթեց Ուկրաինան ներկայացնող Գոռ Հովհաննիսյանին, իսկ 1/16 եզրափակիչում 0:6 հաշվով պարտվեց աշխարհի գործող չեմպիոն, ճապոնացի Տակուտո Օտոգուրոյին: Ճապոնացի ըմբիշը պարտություն կրեց հաջորդ գոտեմարտում, ինչի պատճառով Թևանյանը զրկվեց բրոնզե մեդալի համար պայքարելու հնարավորությունից:

Ազատ ոճի ըմբշամարտի Հայաստանի հավաքականի կազմում ԱԱ-ում հանդես կգան նաև Վարուժան Կաջոյանը (74 կգ), Գրիգոր Գրիգորյանը (79 կգ), Հովհաննես Մխիթարյանը (86 կգ) և Լևան Բերիանիձեն (125 կգ):


Մեր լրահոսին կարող եք հետևել նաև Telegram-ում:
Միացե՛ք մեր ֆեյսբուքյան էջին և անմիջապես զգացեք մարզաշխարհի զարկերակը:

Մեկնաբանություններ

Հարգելի՛ այցելուներ, մեր կայքը բարձր է գնահատում Ձեր՝ կարծիք հայտնելու իրավունքը, ուստի կոչ ենք անում մեկնաբանություններում լինել հանդուրժող, հարգել միմյանց, չվիրավորել, չօգտագործել գռեհիկ բառապաշար: Կայքի պատասխանատուները հետեւողական են լինելու վերը նշված սկզբունքների պահպանման հարցում: Կոչ ենք անում մեկնաբանությունները գրել հայատառ: