Ռաֆաել Նադալը ցանկանում է դառնալ «Ռեալ»-ի նախագահ

08 Փետրվարի 2017 17:47
Ռաֆաել Նադալը ցանկանում է դառնալ «Ռեալ»-ի նախագահ

Իսպանացի լեգենդար թենիսիստ Ռաֆաել Նադալը հայտարարել է, որ շատ կուզենար լինել Մադրիդի «Ռեալ»-ի նախագահը: «Մեծ սաղավարտ»-ի մրցաշարերի 14-ակի հաղթողը ևս մեկ անգամ նշել է, որ հանդիսանում է «արքայական» ակումբի մեծ երկրպագու և կցանկանար դառնալ նրա մի մասնիկը.

«Երբեք չես իմանա, թե ինչ տեղի կունենա: Ամբողջ աշխարհին է հայտնի, որ ես «Ռեալ»-ի մեծ երկրպագու եմ: Մադրիդը իմ թիմն է: Դրա մասին խոսելը հիմա ուտոպիա է, բայց եթե դուք ինձ հարցնեք, թե կցանկանայի դառնալ ակումբի նախագահ, ապա կպատասխանեմ՝ իհարկե կցանկանայի: Բայց և այնպես, Ֆլորենտինո Պերեսի ղեկավարությամբ ամեն ինչ կարգին է ակումբում, այդ պատճառով էլ վստահ եմ, որ «Ռեալ Մադրիդ»-ը իմ օգնության կարիքը չունի»,- իսպանացի թենիսիստի խոսքերն է փոխանցում AS-ը:


Մեր լրահոսին կարող եք հետևել նաև Telegram-ում:
Միացե՛ք մեր ֆեյսբուքյան էջին և անմիջապես զգացեք մարզաշխարհի զարկերակը:

Մեկնաբանություններ

Հարգելի՛ այցելուներ, մեր կայքը բարձր է գնահատում Ձեր՝ կարծիք հայտնելու իրավունքը, ուստի կոչ ենք անում մեկնաբանություններում լինել հանդուրժող, հարգել միմյանց, չվիրավորել, չօգտագործել գռեհիկ բառապաշար: Կայքի պատասխանատուները հետեւողական են լինելու վերը նշված սկզբունքների պահպանման հարցում: Կոչ ենք անում մեկնաբանությունները գրել հայատառ: