Goal. «Ծեր սինյորա»-ն չի հանձնվում. «Յուվենթուս»-ը մտադիր է խառնել Մադրիդի «Ռեալ»-ի խաղաքարտերը

18 Հունիսի 2019 19:44
Goal. «Ծեր սինյորա»-ն չի հանձնվում. «Յուվենթուս»-ը մտադիր է խառնել Մադրիդի «Ռեալ»-ի խաղաքարտերը

«Յուվենթուս»-ը ցանկանում է ամեն գնով վերադարձնել թիմի նախկին կիսապաշտպան Պոլ Պոգբային, տեղեկացնում է Goal-ը:

Աղբյուրի հաղորդմամբ, «ծեր սինյորա»-ի սպորտային տնօրեն Ֆաբիո Պարատիչին արդեն հանդիպել է մանկունյանցիների ներկայացուցիչների հետ, որպեսզի բանակցի ֆրանսիացու տեղափոխության վերաբերյալ:

Իտալական կողմը մտադիր է 26-ամյա կիսապաշտպանի տրանսֆերի համար 140 մլն եվրո առաջարկել՝ փորձելով հաղթող դուրս գալ Մադրիդի «Ռեալ»-ի հետ մրցակցությունում:

Ավելի վաղ տեղեկություն կար, որ «սերուցքայիններ»-ը նախնական համաձայնության են եկել «կարմիր սատանաներ»-ի հետ ու մտադիր են գործարքի մասին հայտարարել մինչև հուլիսի 1-ը:

2018/19 մրցաշրջանում «Մանչեսթեր Յունայթեդ»-ի կազմում Պոգբան 47 հանդիպում է անցկացրել՝ դառնալով 16 գոլի ու 11 արդյունավետ փոխանցման հեղինակ:


Մեր լրահոսին կարող եք հետևել նաև Telegram-ում:
Միացե՛ք մեր ֆեյսբուքյան էջին և անմիջապես զգացեք մարզաշխարհի զարկերակը:

Մեկնաբանություններ

Հարգելի՛ այցելուներ, մեր կայքը բարձր է գնահատում Ձեր՝ կարծիք հայտնելու իրավունքը, ուստի կոչ ենք անում մեկնաբանություններում լինել հանդուրժող, հարգել միմյանց, չվիրավորել, չօգտագործել գռեհիկ բառապաշար: Կայքի պատասխանատուները հետեւողական են լինելու վերը նշված սկզբունքների պահպանման հարցում: Կոչ ենք անում մեկնաբանությունները գրել հայատառ: