Մինչև վերջին պահը հավատում էի, որ Մխիթարյանն ինձ կփոխանցի գնդակը. Բարսեղյան

12 Հունիսի 2019 22:12
Մինչև վերջին պահը հավատում էի, որ Մխիթարյանն ինձ կփոխանցի գնդակը. Բարսեղյան

Եվրո-2020-ի ընտրական փուլի 4-րդ տուրում Հայաստանի հավաքականը հյուընկալվելիս 3:2 հաշվով առավելության հասավ Հունաստանի նկատմամբ: 

Իր տպավորություններով է կիսվել մեր ազգային ընտրանու կիսապաշտպան Տիգրան Բարսեղյանն, ով Հայաստանի հավաքականի վերջին գնդակի հեղինակն էր:

«Ամբողջ թիմով հավատում էինք, որ կարող ենք նման հաջողության հասնել: Լիխտենշտեյնի խաղից հետո թևեր առանք, ու Աստծո կամոք սպորտային հաջողությունն էլ էր մեր կողմը: Մինչև վերջին պահը հավատում էի, որ Մխիթարյանը ինձ կփոխանցի գնդակը, որից հետո որոշեցի հարվածել մոտակա անկյունը:  Բարեբախտաբար կարողացա հասնել նաև անդրադարձին: Ծանր խաղ էր, սակայն կարողացանք հույս պահպանել, որ կարող ենք մասնակցել Եվրոպայի առաջնութանը: Շնորհակալություն եմ հայտնում նաև երկրպագուներին իրենց աջակցության համար »,- 25-ամյա խաղացողի խոսքերը փոխանցում է ՀՖՖ պաշտոնական կայքը:

Մակեդոնիայի առաջնության 2018/19 մրցաշրջանում Բարսեղյանը մասնակցել է 13 հանդիպման՝ դառնալով 5 գոլի ու 2 արդյունավետ փոխանցման հեղինակ: 


Մեր լրահոսին կարող եք հետևել նաև Telegram-ում:
Միացե՛ք մեր ֆեյսբուքյան էջին և անմիջապես զգացեք մարզաշխարհի զարկերակը:

Մեկնաբանություններ

Հարգելի՛ այցելուներ, մեր կայքը բարձր է գնահատում Ձեր՝ կարծիք հայտնելու իրավունքը, ուստի կոչ ենք անում մեկնաբանություններում լինել հանդուրժող, հարգել միմյանց, չվիրավորել, չօգտագործել գռեհիկ բառապաշար: Կայքի պատասխանատուները հետեւողական են լինելու վերը նշված սկզբունքների պահպանման հարցում: Կոչ ենք անում մեկնաբանությունները գրել հայատառ: